بسم الله الرحمن الرحيم
يالربع وش سبة رفـع الاسعـار
الي بلتنا مع الظـروف الصعيبـه
من عقب ماكنا نحمل على الـدار
اليوم كل الناس قالـوا امصيبـه
راح الرويتب بين تفـاح وخيـار
وش عاد باقي يالنشامى اشتريبه
طفرت والسبـه هواميـر تجـار
حسبي عليهـم جعلهـم للغليبـه
نص الشهر وانا مسير على الجار
ابغى سلف الورع يبغـى حليبـه
المشكله عمت على كل الاقطـار
رحنا وطي عقب الغلاء والضريبه
من عقب هذا الوقت كني على نار
بس اتلفت لجل سـوق اعتديبـه
غصب عليأ صرت مصيوغ الانظار
حالي تـردا والسبايـب غريبـه
يالله يالـي عالـم كـل الاسـرار
ياخالـق عـبـدك ويامعتنيـبـه
انك تزين عاقبـت كـل الاخطـار
ولا فيه غيرك فالمـلا نرتجيبـه
اصون الغلا واقول ياصاحبـي مسمـوح
واعتبر جرحك قلبـي الصابـر يحوجـه
وابني من الامـال بـروج يـم صـروح
وساورت حبك لين صعب غدى خروجـه
اشوف العذاب بعين وبعين اشوف فـروح
تساوى الفرح والحزن وفتحت لي دروجه
ويالين صدري من عذابـك ليـال يفـوح
غلاك الذي ساكـن بيـه ذابـت ثلوجـه
ترويت من ضيمك ومنه العـروق تنـوح
وهالحين حبك بعدهـا طاحـت بروجـه
بعد مالرجل كانت عليك تهـدي وتـروح
نهـار وليـل يمـك الرجـل مدروجـه
ولا القى بها ليه عنا ولاقصـرت شبـوح
لوان دربي ان جيتـك كثيـرات فجوجـه
ابعطيك كلمه لك بهـا بالزمـن مصلـوح
وليه بهـا راحـه مـن الهـم وطعوجـه
ترى الحل يا اما تعود وتسكن مكان الروح
ويا اما عسا دربـك تساهيـل بالروجـه
هذي قصيده كتبتها في منتديات جماهير تركي ألفين هالمنتدى أنا كنت أحبه جدا وأهتم فيه لدرجة إني كتبت هذي القصيده فيه:
في مبتداها ريـح مسـك وورودي
من هاجس فيض معاني جزيـلات
في ذكر اصحاب غلاهم يـزودي
اهل الوفا والطيب واهل المقامات
العز طيره فـي سمـاه مهـدودي
يامنتدى تركي جنيـت العلامـات
جمعت ارجـال تـرد للعـدودي
كل على عده يـدوس المسافـات
جمعتهم مـن فـوق عـد ورودي
باسمه بسم تركي زعيم المهمـات
والمكسب الي فوق كسب النقودي
امعرفة ارجال تعـدي الطويـلات
في ظل ابوفيحان موفي العهـودي
حنا جميعا واشكره هـو بالـذات
يالله يالـي نعـبـدك يامعـبـودي
انك تعزه فـي جميـع المجـالات
يالقوس يالـي حافـظ للوعـودي
اتصبح الاعضاء بالخيـر وتبـات
مادام حنا معـك ارقـى سنـودي
الله يجازيكم على الطيب حسنـات
وابشر مهاجـر ترانـا شهـودي
بدك ترى البيرق تعلى السمـاوات
على الشرف والعز فوق العمودي
الله يعز الـي تخطـى المحطـات
ولد مطيـر الله يـذل الحسـودي
وابن وايـل يامجيـب الدعـوات
ياجعلهـا لحضـات يالله تعـودي
لاجل اجازيهـم بمثـل الجزيـات
ومن لايقول الحق مره جحـودي
مساعـد الله ساعـده بالصعيبـات
وفهد على طيبه زعيـم الفهـودي
اقولها ياقوم فـي كـل لحضـات
وياجعل ماجد للبقـا والوجـودي
وافي ومن قاله على العكس ينشات
يامخاوي المطران في راس عودي
في حقك اجزال المعاني قليـلات
نبغى السموحه لو قصرنا الجهودي
احقوقكم ياذخـر جـدي كثيـرات
الردود لا هنتو
موضوع: بعض قصائدي 
الإثنين ديسمبر 10, 2007 5:42 am
